حامد زيد (الجمهره)

السلام عليكم ورحمه الله وبركاته

هذي قصيده حامد زيد حقت الجمهره

اتركم مع القصيده:

إي بالله أخطو والخطا اللي جابهم عين الصواب
مبطي وأنا أشوف الطمع يكشف رداهم وأستره

مايملي عيون الحسود بهالزمن غيـر التـراب
ومن لايتوب من الخطا تحرم عليـه المعـذرة

اللي من أولها خـراب أكيـد تاليهـا خـراب
والبنـدق اللـي ماتثـور في هدفـهـا تـذعـره

ودك ليا من جاتك الغلطة من النـاس القـراب
الصاحب اللـي ماكسبـت محبتـه ماتخسـره

مشكلتي إني ماعرفت أحسب لصدتهم حسـاب
قلطتهم صدري على ذكـرى قصيـد وحنجـرة

صوتٍ يصول منبره وخطاب مابعدهــ..خطـاب
والطيبة اللي زعزعت صوت الخطيب ومنبـره

مافي دمعٍ صوبوه أحبابـي بوجهـي وخـاب
ولا زرق حزني على غالـي ولا فـج أنحـره

كل الزهاب اللي معي ذكرى من أصحاب الزهاب
واللي بقا لي من عذاب أشرس طريقي وأخطره

لأني تجنبت الغرق, عديت من فوق السحـاب
لأن أكثر أصحابي ورق ماشفت للطيـب ثمـره

والله ماحطيت بيـن الحقـد والخـوة حجـاب
حتى غدو ربعي يحدوني على الضيـق أشكـره

البارحة ثارت علي أرقـاب و آوتنـي أرقـاب
البارحـة وياثقـل دم الـبـارح ويامحـقـره

هٌب ياوجه الحسد وشلـون جمعهـم وغـاب
كيف السنين اللـي عطتنـي بعثرتهـم بعثـره

أثر المصايب ماتجيك إلا من النـاس القـراب
وبهالزمن حتى الخوي اللي تثق فيـه إحـذره

لابارك الله في رفيـقٍ تزعلـه كلمـة عتـاب
ولاجمـع الله الرجـال اللـي تفرقهـم مــره

عودت نفسـي كـل ماشـددت لليمـه ركـاب
ماصدد وجهي عن طموح إلا لياجبـت خبـره

الصاحب اللي مايجي من صحبته غير العـذاب
نذرٍ علي إن ماهجرني ولا أنـا اللـي بهجـره

من يفتح لفرقاي باب أفك لـه عشريـن بـاب
وإذا خويـي مايقـدر خوتـي مــا أقٌــدره

إن روٌحو فأنا بـريء منهـم ليـوم الحسـاب
وإن جرٌحو قولو لهـم ماحركـو فـيٌ شعـره

شفهم لهم حول السنة ولا خذو منـي جـواب
أحـسـن دوا لـلـي يحاول يستـفـزك تـحـقـره

انا جمٌعت أوراقهم بكتاب وأغلقـت الكتـاب
ياوقت لـم اللـي تلمـه وأنثـر اللـي تنثـره

ماكنت أحاتيهم صغير, عـاد أحاتيهـم شبـاب
امأذخرني صاحبي لليوم الآسود مأذخـره

عقب إكتئاب البارحة ماعاد أنا حمـل إكتئـاب
الطيب جرجرني وأنا مانـي بناقـص جرجـره

اللي يخاف من الظما يترك لنا طـرد السـراب
واللي ماهو بقد الظـلام و وحشتـه لايسهـره

أنا تجرعت الظما لين إحتـرق وجهـي وذاب
أنا كسرت بخاطـري قبـل الصداقـة تكسـره

أنا خسرت اللي غيابه غير عـن كـل الغيـاب
أنـا غفـرت لعالـم ماتستـحـق المغـفـرة

أنا أكثر إنسان تعلم من كثر ما أخطـا وصـاب
أنا آخر لسـان يتكلـم فـي زمـان الثرثـرة

أنا القصيد اللي فزع من دفتـره مليـون نـاب
وأنا الوحيد اللي جمع مليـون نـاب بدفتـره

جفني وجرٌحه السهر وحيلي وهدتـه الصعـاب
دمعي هدر, ضحكي ندر, عمري وضيعت أكثره

شيٌبت بعقول العـرب, هيبـت روسٍ ماتهـاب
جمهرة نـاسٍ عمرهـم مايعرفـون الجمهـرة

ماصرت ذيـب إلا لأن اللـي حواليني ذيـاب
ماكنت أغيـب إلا لأن العفـو عنـد المقـدرة

ترا حلاتك لاحملـت لصاحبـك كلمـة عتـاب
إن مانطقت بهـا بوجهـه, ماتذمـه بظهـره

بهالزمن مايملي عيـون الحسـود إلا التـراب
ولا الحظيظ الطلقة اللي مـا تصيبـه تذعـره

ودك اليامن جاتك الغلطة من النـاس القـراب
الصاحب اللـي ماكسبـت محبتـه ماتخسـره
تحياتي cheers

المساهمات : 11 تاريخ التسجيل : 29/11/2007

يااااااااااااااااااااي رووووعه خيو المهاااجر تسلم

اختياااار موفق من قصااائد الشااعر الكبير حااامد الزيد

ولا تنسى تتحفنى بجديدك خيوو

تحياااتي لك